سمكة البراكودا
الاسم العربى البراكودا او العقام
Sphyraena الاسم العلمى
من اخطر انواع الاسماك المهاجمه على الاطلاق وفى بعض الاحيان بتكون اخطر من سمك القرش نفسه
وده بسبب طبيعتها الشرسه جدا والمهاجمه بطريقه مبالغ فيها ودرجه خطورتها على الانسان متقلش عن خطورة القرش
من امتع الاسماك فى صيدها على الاطلاق لانها بتقاوم بلا استسلام وكل ما مده الفايت معاها بتزيد كل ما بيكون ده فى صالحاها لانها بتحاول بكل الطرق وبدون ياس الافلات من الصياد وفى بعض الاحيان بتضطر تهاجمه لو كان بيصطاد وهو واقف جوه البحر
تتواجد البراكودا او العقام في المناطق الاستوائيه وشبه الاستوائيه اللى هى المناطق الدافئه وتمتد الى المناطق المعتدله فهي كتيره الانتشار في المحيط الاطلنطي والهادي والهندي وتمتد الى البحر الاحمر والكاريبي وموجوده في الخليج العربي
في منها 20 نوع من فصيلة البراكودا العقام اكبرها يصل طوله الى 2 متر , الاسماك الصغيره منها عاده ما بتعوم قريبه من سطح الميه وبمجموعات كبيره قد تصل الى الاف الاسماك في المجموعه الواحده اما الاسماك الكبيره منها فبتعوم منفرده وبمجموعات وتتواجد حتى عمق 100 متر تحت سطح الماء
تعيش البراكودا مدة 14 سنه وبتبقى قادره على التزاوج بعد سنتين من عمرها وموسم الصيف هو موسم تزاوجها و تضع الانثى البيض اكتر من مره وتنتج اعداد كبيرة جدا من البيض بتوصل الى الاف البويضات في المره الواحده وده بيعتمد على عمر وحجم الانثى ولحد النهارده محدش من العلماء استطاع تحديد الذكر من الانثى , تنتشر البراكودا في البحار وكثيرا ما نجدها قريبه من المناطق المرجانيه
السمكة اكتر حاجه تستفزها انك تحرك الضوء مباشرة فى اعينها لانها ممكن تهاجم مصدر الضوء وبيفضل عدم ارتداء بدل غوص براقة لانها تهاجم الاجسام البراقه او الامعه , والمفروض على الغواص ميقومش بحركات قويه او مفاجئه لما يشوف سمكة البركودا لان ده ممكن يستفزها ويخليها تهاجمه
غير انها بتشكل خطوره على الصياد في حاله انه واقف جوه البحر والميه مثلا واصله عند ركبه فهي بتشوف اللمعه اللى عاملاها الميه على سمانه الرجل على انه هدف وبتهاجمه في بعض الاحيان
وبتختلف اسماك البركودا في الحجم من حجم صغير لا يزيد على 4.5 سم إلى 2م تقريبا الطول : يصل إلى 1.8م الوزن
أعلى ماتم تسجيله من وزن يصل 46.7 كجم
في المناطق المظلمة تهجم بسرعة على أي شيء حتى قبل تتأكد منه ولما بتقوم عدة أسماك بالاصطياد في مجموعة فإنها غالباً ما تقسم أكل فريستها معاً، وذلك بإجبار السمك على السير في اتجاه المياه الضحلة،وبكدا يمكنها أن تتغذى على أعداد أكبر من الأسماك.
تعتبر لحوم بعض أسماك الشعب المرجانية التي تأكلها البركودا لحماً ساماً، وبكده يصبح لحم البركودة ساماً أيضاً وده اللى بيفسر بأن البركودا تكون سامة في بعض المناطق وغير سامة بل صالحة للأكل في مناطق تانيه
انواعها :-
سمكة ((الدنغو))
هي أشهر أسماك عائلة البراكودا ، واللىي يكثر وجوده في مياه الخليج العربي، وبتتميز بزعانفها الظهرية الصفرا والخط الممتد على طول الجسم الذي طوله حوالي 40 سنتيمتر
سمكة ((الكراكي ))
البحرية المعروفة بين دول الخليج العربي باسم (الجد) ودى بتعيش في مجموعات صغيرة قرب الشعاب المرجانية والمناطق الصخرية ودى الموجوده في البحر الاحمر، وتتميز عن باقي أسماك عائلة البراكودة بالخطوط المنتشرة على جسمها بشكل عمودي بين الزعانف الصدرية وجذع الذيل، وتعتبر من الأنواع المفترسة والخطرة جدا لانها تأكل بشراهة، ويصل طولها حتى مترين تقريبا
العائلة دى من الأسماك النهاشة ذات الفم الكبير والفكوك القوية التي يصل طولها لوحده إلى 45 سم، وهي لها أنياب حادة تستعمل للنهش والإمساك بالفريسة، وتعتبر أسماك هذه العائلة من أقل الأسماك ذكاء، ولكنها تهاجم أي شيء يتحرك في الماء، وتتميز هذه العائلة بسرعتها الفائقة و يساعدها على ده جسم الاسطواني الانسيابي وتستخدم سرعتها في الهجوم على فريستها وتتميز بنظرها الحاد اللى يساعدها على اقتناص فريستها في الأماكن المظلمة. وتعتمد على عينتيها الثاقبتين في صيد فريستها اكثر من حاسة الشم عكس سمكة القرش التى تعتمد على حاسة الشم
البراكودا بتأكل بشكل مجموعات كبيرة واسراب وفي حال انك اصطدت واحدة منها عليك ان ترمي فى نفس المكان وهو يفضل الشعب المرجانية لاحتوائها على الاسماك
افضل طريقه لصيدها هي الجر باستخدام خيط من الصلب (الواير) والسنانير من الحجم الكبير او برابلات الجر والمعالق , ووقت صيدها بتقوم البراكودا بقتال شديد و عنيف و لكنة ممتع للصياد وبتعمل اعمال بهلوانية وجريات سريعه وكثيرا ما تقفز من الماء فى الجو
الطعم :-
الطعم المناسب ليها بيفضل ان يكون له لمعة زى السهليه و البوري الصغير والباغة او الشعور العربي الصغير منها وبعض انواع القشريات وممكن بنفس البراكودا بس حجم صغير المهم تكون السمكه المطعمه ليها لمعه لان ده اكتر شىء بيغري البراكودا (طبعا ده غير الطعم الصناعى ويفضل يكون لامع زى المعالق )
افضل وقت له فترتي الشروق والغروب لان ده بيكون فتره نشاط الخلايا البصريه فى السمكه واللى بيها بتشوف الاجسام اللامعه من على بعد كبير
الارمه المناسبه ليها فى التشويح هو فرد واحد طويل ولازم يكون واير لان اسنانها حاده جدا وسهل عليها تقطع الخيط العادى ورصاصه حره ويركب فيه سن مناسب
0/1 او 0/2 ويتشك فيه السمكه ويفضل تكون حيه
وممكن بالرصاص العايم ويتساب مجال للسمكه الحيه تتحرك براحتها
وممكن برضه بالتسريح ببالون وفرد طويل طوله 1-2 متر
وطبعا فى جميع الاحوال لازم واير لان اسنانها حاده جدا وممكن تقطع الخيط العادى بسهوله
موسمها شهر 3و4و5
اخر نصيحه اقدر اقولها انك لازم وانت بتصطادها تجهدها وتطلعها بسرعه قبل ما هى تجهدك وتفك نفسها وتهرب
ا
